VOV4.K’ho – Drim òr 10/5, tàm hìu phờk Quán Sứ, Hà Nội, Mpồl duh broă yàng phờk dà lơgar Việt Nam yu\ rơyùm bơyai lơh Pơrjum dờng tơngkah 2561 nam ngai deh Yàng Phờk- nam Tây 2017. Pơrjum dờng tơngkah ngai deh Yàng Phờk là ngai chờ dờng gơ wèt tus mờ rlau 10 tơlak nă làng bol jat yàng Phờk tàm lơgar he. Tus bal mờ đơs tàm dơ\ bơyai lơh, mò Trương Thị Mai, Kuang atbồ Ban Dân vận dà lơgar, đơs ngan là: Đảng, Dà lơgar sùm đơs niam ngan ală tă pơgồp dờng ngan bơh Mpồl cau jat yàng phờk Việt Nam dê ai dà lơgar in. Mơkung kơ\p kờn Mpồl duh broă yàng phờk geh pơn jat tai lơh jat nùs nhơm drơng broă tàm rài kis làng bol, lơh kuơ tàm broă yàng mờ lơh kuơ ai rài kis in lơh gùng dà duh broă yàng. Mpồl duh broă yàng phờk Việt Nam pơn jat tai là anih tàm tơrbo\ kuơmàng đah cau jat yàng phờk kis tàm lơgar ndai mờ ală mpồl duh broă yàng phờk Việt Nam tàm lơgar ndai kah tus hìu ơm bal Mpồl duh broă yàng Phờk Việt Nam, pơgồp bơnah bơ\t bơtàu mờ sền gàr dà lơgar.

Cau cih mờ yal tơngi\t-Lơ Mu K’ Yến