VOV4.K’ho – Pơrjum dơ\ 10, Gơnoar ala mat dà lơgar kơnă 13 pơn jat tai mu\t tàm poh lơh broă dơ\ 5 mờ dơ\ lùp ală kuang bàng Gơnoar atbồ lơgar jat nùs nhơm tam gơl pa. Bơh sơnrờp jiơ lơh broă bùi mho ngai òr 16/11 tơn, ală kuang bàng Gơnoar ala mat dà lơgar neh geh uă jơnau lùp gơ rềng tus broă lơh sơnơm, lơh broă cau ling sồt să mờ mpồl bơtiàn, bơto bơtê mờ bơsram, kă bro mờ lơh sa mờ may mok, gah lơh broă adat boh lam…Dùl ròt ală bơta duh hồl neh geh lùp. Tàm dơ\ lùp do, uă ngan kuang bàng Gơnoar ala mat dà lơgar đơs niam ngan bơta đơng lam bơh Gơnoar atbồ lơgar mờ ală gah sơnah lơh broă dà lơgar dê bơh bồ tơngai lơh broă tus tu\ do tàm broă mu\t lơh kơrnoat bơh Gơnoar ala mat dà lơgar dê bè broă lơh gơs ală adat boh lam, ală kơrnoat, rcang lài ai ngui ală kơrnoat bơto pơlam, tơnguh jơnhoa kơnòl bơh ală anih lơh broă geh gơnoar dê, lơh geh bơta tam gơl tàm bơtàu tơnguh lơh sa- mpồl bơtiàn, priă lơh geh kờp bal dùl nă cau geh sơlơ tơnguh tai, broă lơh sền gàr tơl niam rài kis mpồl bơtiàn dipal...

Cau cih mờ yal tơngi\t- Lơ Mu K’ Yến