VOV4.K’ho – Drim òr, 24/3 tàm Hà Nội, mờ gơnoar là anih lơh broă geh Đảng dà lơgar jàu kơnòl đơng lam bè mờng chài lơh broă bơh ròt broă kơlôi sơnơng, cih gơs, bơto bơtê bè Lịch sử Đảng bơh gùt lơgar dê, Hìu bơsram dờng Gùng dră bal dà lơgar Hồ Chí Minh bơyai lơh pơrjum gùt lơgar tơn jơh broă lơh Lịch sử Đảng nam 2013 – 2015 mờ mut lơh rơndap broă, kơnòl broă nam 2016 – 2017. Tàm pơrjum, ală kuang bàng neh cribơyai, tă pơgồp bè cồng nha lơh geh, bơta ờ niam mờ ai geh mờng chài bơh gùt gah Lịch sử Đảng dê tàm 3 nam do. Jat tàm bơa ngan ngồn, sơn đờm bơh kơnòl bơh Đảng, jơnau kờ` bơh broă lơh bơt bơtàu, bơtàu tơnguh dà lơgar, bơh kơnòl gùng dră bal tơl tiah, tơl mpồl lơh broă dê, ală kuang bàng cribơyai, ringbal rơndap broă, kơnòl broă, broă lơh bal tus mờ broă lơh Lịch sử Đảng tàm 2 nam, 2016 mờ 2017. Pal sơlơ tơnguh bơta niam kơlôi sơnơng, cih Lịch sử Đảng Cộng sản Việt Nam tàm tơngai pa; gàr kơ\ broă bơyai lơh, mpồl cau lơh broă mờ tơnguh cồng nha lơh broă bơh ală mpồl lơh broă tàm gah Lịch sử Đảng dê; sơlơ pơgồp bal đah ală gah, mpồl lơh broă dà lơgar mờ ală tiah mờ hìu bơsram dờng gùng dră bal dà lơgar Hồ Chí Minh, đah anih kơlôi sơnơng Lịch sử Đảng di mpồl mblàng yal gùng dà broă lơh ală mpồl đơng lam Đảng càr, [òn dờng…

                                       Cau cih mờ yal tơngit K’ Duẩn.