VOV4.K’ho – Drim òr, 18/5, tàm Hà Nội, Ban Bí thư Đảng dà lơgar bơyai lơh pơrjum gùt lơgar sền wơl 1 nam lơh jat Chỉ thị sồ 5 bơh Bộ Chính trị kơnă 12 dê bè “Chồl pràn bơsram mờ lơh jat ơnà jak, rài kis Bác Hồ”.

Tus bal cribơyai tàm pơrjum, uă kuang ala mat neh tam pà ală broă lơh niam tàm kơnă, mpồl lơh broă he dê. Tàm ală kơnă, mpồl lơh broă ndrờm đal git loh ală broă lơh kuơ màng, broă lơh bơceh pa lơh gơs bơta tam gơl pa tàm broă lơh jat chỉ thị bè tơnguh git wă, kơ nòl bơh mpồl kuang bàng, cau lơh broă sa priă nhai dà lơgar; tam gơl sră nggal hành chính; bơsong ală jơnau yal yă, yal khài bơh làng bol dê kung bè ală bơta gam jơngkah, lơh gơbàn ờ suk bơh jo\ tàm ală kơnă, mpồl, gah lơh broă.

Đơs đơng lam pơrjum, Kuang atbồ Ban Tuyên giáo dà lơgar ồng Võ Văn Thưởng đơs tờm, bơta kuơ màng ngan rlau jơh tàm broă lơh jat Chỉ thị sồ 5 kung gam là cồng nha mut lơh kơnòl chính trị bơh ală kơnă Đảng, anih lơh broă, mpồl lơh broă, pơgồp bơnah bơt bơtàu niam chài, kòn bơnus Việt Nam drơng jơnau kờ` bơt bơtàu mờ sền gàr dà lơgar tàm tơngai pa.

                Cau cih mờ yal tơnggit K’Duẩn