VOV4.K’ho – Ngai òr (18/7), tàm Hà Nội, Mpồl duh broă te\ khà dà lơgar bơyai lơh pơrjum gùt lơgar tơn jơh broă lơh te\ khà kuang bàng Gơnoar ala mat dà lơgar kơnă XIV mờ kuang bàng mpồl duh broă ala mat làng bol ală kơnă, tơngai lơh broă bơh nam 2016-2021. Tus bal mờ đơs jơnau tàm dơ\ pơrjum, ồng Nguyễn Phú Trọng, kuang atbồ đơng lam Đảng dà lơgar đơs tờm: Dơ\ te\ khà do neh lơh niam broă lơh rơcang kuang bàng, yal tơng^t geh ală cau pơnrơ jak bè nùs nhơm, bồ tơngoh mờ broă lơh mờ dipal ala mat ai bồ tơngoh jak, jơnau kơ\p kờ`, gơnoar lơh tờm bơh làng bol dê. Kơnòl broă geh sồr tàm tơngai tus là kal ke ngan, sồr Gơnoar ala mat dà lơgar mờ Mpồl duh broă ala mat làng bol ală kơnă pal pơn jat tai tam gơl pa, tơnguh jơnhoa rơlau tai cồng nha, bơta niam lơh broă. Tềng đap măt là bơyai lơh geh cồng nha pơrjum dơ\ sơnrờp Gơnoar ala mat dà lơgar kơnă XIV.

              Cau cih mờ yal tơng^t- Lơ Mu K’ Yến