VOV4.K’ho - Drim òr 27/01, tàm Hà Nội, anih duh broă sền gròi dà lơgar neh bơyai lơh pơrjum gùt lơgar tơn jơh broă sền gròi Đảng nam 2014. Jơnau yal tàm pơrjum đơs loh, nam 2014, mpồl đơng lam Đảng mờ anih duh broă sền gròi ală kơnă neh lơh jăt broă lơh, bơta tòm broă lơh, đơng lam mờ bơyai lơh tơl ală bơta kơnòl sền gròi jăt mờ kơrnoăt tàm kơrnoăt Đảng; tam gơl, bơtơl, tơl^k pa ờ uă sră nggal đơng lam bè broă sền gròi, lơh glài Đảng. Mờ đơng lam broă bơyai sền gròi broă pơn jăt tai lơh jăt kơrnoăt dà lơgar 4, kơnă 11, bota tòm là bè broă bơyai lơh, kuang bàng mờ lơh jăt kơrnoăt tơrgùm lơh tòm, broă lơh jăt tềm pềr, sơndră mờ hoàc huơr tàm broă sền gàr, ngui kes priă mờ blơi phan bơna dà lơgar. Bơh tu\ hơ\, ai tơl^k ờ uă tam gơl loh làng tàm broă bơ\t bơtàu Đảng, tơnguh ală bơta niam, yal lài, sơndră mờ bơta tìs, tơnguh broă lơh glài, lơh jăt kơrnoăt Đảng, pơgồp bal tàm broă tơnguh bơta pràn đơng lam, bơta pràn tam dră bơh mpồl đơng lam Đảng, kơrian bơta ờ niam bè nùs nhơm gùng dră bal, nùs nhơm, rài kis tàm kuang bàng, cau geh đảng, pơgồp bal tàm broă tơnguh nùs nhơm pin dờn làng bol dê tus mờ Đảng.