VOV4.K’ho – Tàm Hà Nội, Quốc hội Việt Nam neh bơyai lơh pơrjum pờ tơlik tơn tàm internet Hội đồng pơlam AIPA bè ma túy ngòt rơ ngơt dơ\ 3. Pơrjum nam do geh bơyai lơh mờ bơta tus bal bơh ală nghị sỹ ala mat ală nghị viện geh jơng tàm AIPA, kuang atbồ dờng cau ơnoar cih AIPA, ala mat kuang đơng lam bồ ală anih lơh broă bơh Quốc hội, ală bộ, gah broă lơh bơh lơgar Việt Nam dê, ala mat ală mpồl lơh broă dunia mờ Đại sứ ală lơgar ASEAN tàm lơgar Việt Nam.

Đơs mut pơrjum, Phó Chủ tịch Thường trực Quốc hội Việt Nam, mò Tòng Thị Phóng pà git, Quốc hội Việt Nam neh sùm lơh ngan lơh sir adat boh lam, sơlơ sền gròi tàm gah do.

Tus do, Quốc hội geh kơ lôi sơ nơng, tam gơl, bơ tơl Adat rơcang sơndră ma túy mờ 2, 3 adat geh gơ rềng nàng geh ală bơta tam gơl dipal, tam dră mờ ală bơta lòng pa tàm broă lơh rơcang sơndră ma túy. Tàm pơrjum, ală kuang bàng neh cribơyai, tam pà mờng chài dà lơgar tàm broă rơcang sơndră ma túy mờ sơm tơn jơh ngir ma túy, pơ gồp bơnah bơt bơtàu mpồl bơtìan ASEAN bơtàu tơnguh kơ\ kơljap, ờ do ờ dă, niam bơne\ ai tơl nă cau in.

Cau mblàng K’Duẩn