VOV4.K’ho – Ngai òr 11/12, Anih duh broă làng bol càr Dak Nông pơgồp bal mờ mpồl lơh sa dờng Shinsung lơgar Hàn Quốc bơyai lơh pơrjum hòi jà bơcri priă càr Dak Nông mờ lơgar Hàn Quốc..

Tàm dơ\ pơrjum, ala mat kuang đơng lam bồ càr Dak Nông neh yal bè bơta pràn mờ ală broă lơh ngan tàm broă bơsong niam anih kă bro mờ hòi jà bơcri priă bơh càr dê. Jat mờ hơ\, tus tu\ do, gùt càr Dak Nông neh hòi jà geh 49 rơndap broă, bal mờ priă bơcri rlau 55 rbô tơmàn priă. Jat jơnau đơs den tu\ do broă hòi jà bơcri priă tàm càr Dak Nông kung ờ hềt mut ngui geh cồng nha tơl bơta pràn. Ồng Lê Văn Một, kuang jat jơng atbồ anih tờm hòi jà bơcri priă càr Dak Nông pà git: “ Tàm tơngai tus, càr Dak Nông tơr gùm hòi jà ală rơndap broă bơcri priă tàm gah lơh sa suơn sre công nghệ pa, dơ\ 2 là lơh sa mờ mai\ mok tơnhàu phan kuơ tàm ù mờ lơh gơlik uă, dơ\ 3 là bơtàu tơnguh hòi jà bơcri rơndap broă nhơl chờ brê bơnơm, ơm rlô să. Bal mờ hơ\, gam hòi jà bơcri priă ală rơndap broă bơcri bơta pràn geh bơta niam uă drơng ală gah broă lơh kuơ màng bơh càr dê bè lơh sa mờ mai\ mok tơnhàu phan kuơ tàm ù, nhơl chờ, broă drơng ala. Jat a`, broă lơh lài ngan là pal tơmut ală mat sơnđan rơndap broă tàm rơndap ù tiah, hơ\ sồng tơmut ki\ kơrnuat ală mat sơnđan hòi jà bơcri priă. Tàm mat sơnđan bơcri priă pal đal git loh bơta dờng, ù bơh lơi geh, ală broă dong kờl bơcri priă bè lơi nàng git jơnau tơngit bơh sơn rờp, mblàng ală bơta bơh sơn rờp nàng geh kơrnuat bơcri priă.”

                                                              Cau cih mờ yal tơngit K’ Duẩn.