VOV4.K’ho – Ngai òr 17/05, tàm [òn dờng Dà Làc, càr Lâm Đồng, Mpồl đơng lam Tây Nguyên neh pơgồp bal mờ Anih priă jền Dà lơgar Việt Nam mờ ală càr tàm tiah Tây Nguyên bơyai lơh Pơrjum hòi jà bơcri priă mờ sền gàr tơl niam rài kis mpồl bơtiàn Tây Nguyên dơ\ 3. Đơs mu\t pơrjum, Đại tướng Trần Đại Quang kuang geh jơng Gah Gùng dră bal dà lơgar, Kuang atbồ Gah Kuang àng dà lơgar mơkung là Kuang atbồ Mpồl đơng lam Tây Nguyên đơs: Tàm ală nam do, Tây Nguyên neh lơh geh ală cồng nha dờng ngan tàm ală broă. Gơhòi bơcri priă neh geh gơguh tai mơya ờ hềt ndrờm pal mờ ù tiah dờng màng mờ bơta kuơmàng bè sền gàr ngăp lơngai dà lơgar, lơh sa- mpồl bơtiàn. Tàm tu\ tơngai priă jền dà lơgar dê ờ huan geh uă, hòi jà bơcri priă tàm Tây Nguyên là jơnau kờ` jal mhar ngan.

Ồng Trần Đại Quang kuang atbồ Gah kuang àng dà lơgar

Tàm dơ\ pơrjum neh geh lơh dơ\ ki\ pơrgon bơh 15 rơndăp broă lơh, mờ khà priă gơguh tus 13 rbô tơmàn mờ 13 rơndăp broă lơh geh Anih duh broă làng bol ală càr Tây Nguyên lơh sră dờp sền bơcri priă mờ kờp jơh priă gơguh tus 16 rbô tơmàn, uă ngan tàm ală broă: lơh broă sa sươn sre, ròng phan, broă lơh ala mờ ồs đèng. Kuơmàng, ală anih priă jền kă bro, ală cau bơcri priă, ală mpồl lơh sa kă bro neh dong kờl 120 tơmàn ai broă lơh sền gàr tơl niam rài kis mpồl bơtiàn in tàm ală càr tàm tiah Tây Nguyên.

Pơrjum hòi jà bơcri priă mờ sền gàr tơl niam rài kis mpồl bơtiàn Tây Nguyên