VOV4.K’ho - Mang òr 1/04, Pơrjum mpồl tam klac gơnuar ala mat dunia IPU 132 neh tơn jơh mờ tơlik jơnau yal bơr Hà Nội. Lài mờ hơ\, tàm dơ\ pơrjum lồi dut, IPU 132 neh ringbal ală sră nggal kuơ màng. Tàm dơ\ pơrjum lồi dut, tềng đăp bơta đơng lam bơh ồng Nguyễn Sinh Hùng kuang atbồ gơnuar ala mat dà lơgar, kuang atbồ pơrjum IPU 132, ală kuang bàng neh ringbal 4 kơrnuat là kơrnuat bè “ Tam lơh tàm internet, bơta pơhìn tus ring lơngai mờ ngai lơngai dunia”; Kơrnuat “ Đal git kơrnuat pa bè sền gàr dà – chul chồl broă lơh bơh gơnuar ala mat dê bè dà mờ kloh niam”; Kơrnuat bè adat boh lam dunia tàm bơta gơrềng mờ gơnuar tờm dà lơgar, ờ tus bal tàm broă dơlam is mờ gơnuar kòn bơnus; Ringbal jơnau yal ală anih lơh broă sùm dê. Pơrjum IPU 132 kung tơlik jơnau yal bơr Hà Nội, tàm hơ\ đơs loh: Tàm tơngai kuơ màng do, bol he, ală kuang bàng gơnuar ala mat dà lơgar tàm dunia, đơs tờm wơl bơta sền git bol he dê bè bơta bơtàu tơnguh kơ\ kơljap, ai làng bol lơh tờm kơnờm tàm broă mut lơh ală gơnuar kòn bơnus, kờ` tơnjơh rơbah jat tơl broă lơh, mờ săng sơbì jơh bơta ờ ringbal, bơh hơ\ jàu gơnuar tơl nă ]au in brồ guh jơh bơta pràn khi dê. Bơta do kờ` pal geh ring lơngai mờ ngap lơngai dunia. Jơnau yal bơr Hà Nội kung tơlik ală jơnau pơrgon bè broă yal ală jơnau kờ` bơtàu tơnguh kơ\ kơljap tus mờ cau te\ khà tàm tơl lơgar. Jat mờ hơ\, làng bol pal git ală jơnau kờ` do geh gơrềng tus rài kis khi dê bè lơi. Kuang bàng gơnuar ala mat ală lơgar pal geh kơnòl gàr niam jơnau đơs tơl nă làng bol dê ndrờm geh đơs tus tàm broă lơh gùng dră bal, ờ tam cah gơnuar khi dê tàm mpồl bơtiàn.Đơs tơnjơh pơrjum IPU 132, ồng Nguyễn Sinh Hùng, kuang atbồ gơnuar ala mat dà lơgar Việt Nam đơs tờm: jơh ală tơngume tơlik pơrjum IPU 132 in neh lơh jơh. Uă bơta kuơ màng dunia dê đơs bal mờ ală lơgar đơs is neh geh cribơyai 1 bă song dơpă, chul chồl broă mut lơh ală jơnau kờ` bơtàu tơnguh kơ\ kơljap tàm rơnàng tơnơ\ do. }ồng nha IPU 132 dê geh pơgồp bơnah tàm ngap lơngai, kơ\ kơljap, tam klac tàm ală lơgar.

                                                            
                                                                        }au mblàng K' Duẩn.