VOV4.K’ho- Drim ngai 11/6, di dơ\ tơngkah 63 nam ngai Bác Hồ rê còp Hà Tĩnh  (15/6/1957 - 15/6/2020), Tỉnh ủy Hà Tĩnh bơyai lơh Pơrjum khoa học “ Tơnguh uă bơta niam bơsram mờ lơh jat nùs nhơm, bồ tơngoh, broă lơh mờ rài kis Hồ Chí Minh dê pơ gồp bal mờ lơh jat kơnòl broă chính trị tàm tơngai pa”.

Pơrjum khoa học ai tơlik bàr pe  gùng dà broă lơh ngan ngồn nàng tơnguh bơta niam bơsram mờ lơh jat Bác Hồ ai kuang bàng, đảng viên tàm gùt Đảng, gùt làng bol in di pal mờ bơta geh ngan tàm tiah do dê, cèng wơl cồng nha ngan ngồn tàm tơngai tus. 26 jơnau cih tă pơgồp bơh ală cau khoa học, cau jak chài, ală mpồl cau pơ yoa tus mờ dơ\ pơrjum. Ală jơnau cih tă pơgồp đơs mờ cih dờp ală cồng nha neh lơh geh bơh càr Hà Tĩnh dê tàm tơngai lơh jat jơnau Bác Hồ dê nting tơngkah pơgap mờ do rlau 60 nam; sền sơ wì broă lơh hòi jà làng bol, bơto bơtê mpồl kuang bàng, ngui niam bơta pràn mpồl tam klăc dờng jơi bơtìan dê tàm ù tiah càr Hà Tĩnh jat nùs nhơm “ ai làng bol lơh tờm” bơh Chủ tịch Hồ Chí Minh dê; ngui nùs nhơm Hồ Chí Minh dê tàm srơh bơt bơtàu [òn lơgar pa…

Cau mblàng K’ Hạnh