VOV4.K’ho – Tơngkah 75 nam ngai crơng gơs, ngai 26/8, Bộ Tổng tham mưu, ling klàng làng bol Việt Nam bơyai lơh pơrjum khoa học mờ tơngume “Bộ Tổng tham mưu ling klàng làng bol Việt Nam tàm broă lơh tam lơh tơngklàs jơi bơtìan, bơt bơtàu mờ sền gàr dà lơgar”. Sền wơl 75 nam bơt bơtàu, tam lơh mờ dờng pràn, ală kuang bàng đơs nền ală tă pơgồp dờng màng bơh Bộ Tổng tham mưu dê tàm broă lơh tơngklàs jơi bơtìan, tàm broă lơh bơt bơtàu mờ sền gàr dà lơgar.

Bơh tu\ Chủ tịch Hồ Chí Minh sồr crơng gơs Bộ Tổng tham mưu tàm ngai 7/9/1945, tus tu\ do, Bộ Tổng tham mưu neh hời rơ hời bơt bơtàu anih cribơyai gùng dà mờ gah tham mưu ling klàng ngai sơlơ kơ\ kơljap, pràn kơldang, tă pơgồp dờng màng ngan tàm broă lơh kac màng Việt Nam. Pơrjum kung là bơnàng jă nàng mblàng yal, bơto bơtê ai kuang bàng, cau ling, công nhân viên chức quốc phòng in tơnguh rlau tai jơnau git wă, nùs nhơm pơn iờ să, bơt bơtàu bơta pin dờn, nùs nhơm tam klac bal, tơnguh bơhìan pơn iờ să bơh Bộ Tổng tham mưu dê tàm broă lơh bơt bơtàu ling klàng làng bol Việt Nam.

Cau mblàng K’Duẩn