VOV4.K’ho - Drim do 29/01, tàm Hà Nội, mpồl bơyai lơh dà lơgar đơng lam pơrjum kuang bàng gùt lơgar bè broă bơyai lơh, bơt bơtàu Đảng nam 2015. do là jơnau gùng dră bal kuơ màng ngan, geh bơyai lơh lài mờ pơrjum Đảng ală kơnă, wèt tus pơrjum dờng dơ\ 12 Đảng dê. Pơrjum cribơyai ală bơta kuơ màng ngan tàm broă bơyai lơh bơt bơtàu Đảng, cribơyai bal dong gah gùng dră bal dà lơgar, mpồl đơng lam Đảng dà lơgar, mpồl Đảng ală kơnă rơcang pơrjum Đảng ală kơnă, wèt tus pơrjum dờng dơ\ 12 Đảng dê. Geh git nam 2014 pa do, mpồl bơyai lơh dà lơgar neh cribơyai mờ gah gùng dră bal dà lơgar ai tơlik uă sră nggal kuơ màng, tàm hơ\ geh kơrnuat sồr sồ 36 bè pơrjum mpồl Đảng ală kơnă, kơrnuat te\ khà tàm Đảng, kơrnuat sồr sồ 39 bè broă lơh sền gàr gùng dră bal tàm dơlam is tàm tơngai tu\ do. Tus tu\ do, 100% mpồl đơng lam Đảng ală càr, bòn dờng, mpồl đơng lam Đảng gơ wèt dà lơgar neh tơlik mờ bơyai lơh mblàng ngui ală sră nggal bơh dà lơgar mờ kơnă Đảng dê. Tàm dơ\ pơrjum ngai do, ala mat kuang đơng lam bồ Đảng, dà lơgar geh tus bal mờ geh jơnau đơs đơng lam pơrjum.