VOV4.K’ho – Ngai òr, 18/5, tàm tơngume broă lơh Bộ trưởng Tài chính APEC nam 2017, pơrjum kuang bàng priă jền dờng màng APEC (SFOM) ngan ngồn geh mut lơh tàm Ninh Bình. Ală dơ\ cribơyai tàm pơrjum tơr gùm tàm ală tơngume tờm bè kơp kơnờm lơh sa mờ priă jền tàm kơnhoàl mờ gùt plai ù; bơcri priă jo\ jòng tàm phan bơna – tam pà bơta aniai tàm ală rơndap broă jat broă lơh tam klac bal dà lơgar mờ lơh broă is; cribơyai bè chính sách priă jền mờ bảo hiểm tam dră mờ rềs àr trồ tiah lơh aniai. Kuơ màng, tàm pơrjum kuang bàng priă jền dờng màng APEC dơ\ do, dơ\ sơn rờp ală kuang bàng priă jền geh dơ\ cribơyai bal mờ cribơyai bơceh pa Khoa học rài kis mờ Mpồl lơh broă sơnơm APEC bè sền sơ wì gơrềng bơh pràn kơldang să jan dê tus mờ kes priă mờ lơh sa, mờ dơ\ cribơyai bal mờ Ủy ban lơh sa APEC bè ală bơta priă jền tàm broă lơh tam gơl rơndap sap sèng mờ bơtàu tơnguh phan bơna bơh APEC dê.

               Cau cih mờ yal tơnggit K’Duẩn