VOV4.K’ho – Mho òr, 14/12, tàm Hà Nội, Bộ Ngoại giao, mờ gơnoar là anih đơng pơlam dà lơgar bè tam klac ASEAN neh bơyai lơh pơrjum làm gah ờs mờng kờ` sền sơ wì bơta tam klac ASEAN, bơta pơgồp bal bơh ală Bộ, gah broă lơh tàm tus bal tàm klac ASEAN nam 2016 mờ rơndap broă tus bal tam klac ASEAN tàm tơngai tus. Dơ\ pơrjum đơs niam bơta kuơ màng bơh nam 2016 dê là nam sơn rờp crơng gơs mpồl bơtiàn ASEAN, mut lơh wèt sền ASEAN nam 2025 mờ ală rơndap broă bal tàm jơh 3 bơta tờm ngan mpồl bơtiàn dê. ASEAN neh chul chồl cih gơs mờ ringbal ală broă lơh, rơndap broă tàm ală gah tơngai bơh nam 2016 tus nam 2020; bơt bơtàu rơndap broă bal tơr bo\ ASEAN nam 2025 mờ rơndap broă tơngai dơ\ 3 bơceh pa mut gơ rờm bal ASEAN (dong kờl ală lơgar Campuchia-Lào-Myanmar-Việt Nam); chul chồl git gơp lơh broă mờ lơgar ndai bơh ASEAN dê; tam gơl mờ tơnguh cồng nha lơh broă bơh ală anih lơh broă ASEAN mờ mpồl dong broă ASEAN.