VOV4.K’ho- Drim ngai 19/6, tàm [òn dờng Buôn Ma Thuột, càr Dăk Lăk, Anih tờm dong kờl bơto pơlam lơh broă sa sươn sre dà lơgar gơ wèt Bộ Nông nghiệp mờ Phát triển Nông thôn bơyai lơh Pơrjum lơh broă bal đah dà lơgar mờ làng bol (PPP) tàm broă lơh dong kờl bơto pơlam lơh broă sa sươn sre. Tàm pơrjum, ală cau ala măt đơs nền Lơh broă bal đah dà lơgar mờ làng bol tàm broă lơh dong kờl bơto pơlam lơh broă sa sươn sre là broă sơnđờm kuơmàng pal rề ơnàng rlau tai nàng ală gah tus bal uă rlau.

Anih bơyai lơh pơrjum

Mơya, nàng broă lơh broă bal kơ\ kơl jăp mờ geh cồng nha, pal tàm jàu kơnòl bơh ală gah tus bal dê jăt tàm bơta pal jăt ring bal, jăt tàm adat lơh broă bal đah làng bol mờ dà lơgar nàng bơ\t bơtàu tơngume broă lơh loh làng, song dơ pă, lơh geh bơta ring bal ai ală mpồl lơh sa kă bro tus bal Lơh broă bal PPP in.

Jăt Kuang ătbồ Anih tờm dong kờl bơto pơlam lơh broă sa sươn sre dà lơgar, broă lam lơh broă bal đah dà lơgar mờ làng bol tàm broă lơh dong kờl bơto pơlam lơh broă sa sươn sre geh pơgồp bơnah lơh niam broă lơh mpồl bơtiàn lơh bal dong kờl bơto pơlam lơh broă sa sươn sre nàng ngui jơh bơta pràn bơh gah dà lơgar mờ gah làng bol, lơh gơlik bơta pràn tơrgùm bal dong ai broă lơh tam gơl pa lơh broă sa sươn sre [òn lơgar đơs bal mờ broă lơh tam gơl pa dong kờl bơto pơlam lơh broă sa sươn sre đơs is sơrbac mhar mờ kơ\ kơl jăp.

Cau mblàng Lơ Mu K’Yến