VOV4.K’ho – Pơrjum mpồl ală anih tờm kơlôi sơnơng bơh cribơyai tam klac châu Á – Thái Bình Dương (ASCC) neh geh bơyai lơh tàm Hà Nội tàm ngai òr, 12/5 tàm tơngume pơrjum dơ\ 2 ală kuang bàng dờng màng APEC (SOM 2) mờ ală pơrjum geh gơ rềng. Đơs đơng lam pơrjum, Chủ tịch pơrjum ală kuang bàng dờng màng APEC nam 2017 ồng Bùi Thanh Sơn neh đơs loh bơta kuơ bơh tơngume dê mờ ală broă tam klac lài ngan bơh nam APEC 2017 mờ đơs tờm, tàm gơnoar là cau tờm APEC nam 2017, Việt Nam kơp kờ` ASCC geh pơnjat tai tă pơgồp uă mờ ngan ngồn rlau tàm ală cồng nha dờng bơh nam APEC 2017 dê, kuơ màng là broă đal git APEC wèt tus nam 2020 mờ rơnàng tơnơ\ do. Tàm 7 dơ\ lơh broă bơh pơrjum pah nam ASCC, ală kuang bàng tơr gùm cribơyai ală tơngume geh: Mblàng ală bơta tàm dunia mờ kơnhoàl; đal git rơndap broă pa ai rài lơh sa tàm kơnhoàl mờ sền sơwì gơ rềng bơh gơ dê tus APEC; gơnoar bơh APEC dê tàm broă sơlơ tam klac lơh sa, pas sơm mờ bơtàu tơnguh; ală broă lơh bơh rài lơh sa geh jơng dê kờ` sơlơ tơnguh cồng nha mờ gơnoar dipal bơh APEC dê tàm tơngai pa; gơnoar bơh APEC dê tàm broă mut lơh ală jơnau kờ` bơtàu tơnguh kơ\ kơljap; jơnau sồr tus mờ ală rài lơh sa geh jơng tàm APEC tàm broă sền gròi bơta aniai.

          Cau cih mờ yal tơnggit K’Duẩn