VOV4.K’ho – Drim òr 14/4, Phó Thủ tướng ồng Vương Đình Huệ geh dơ\ lơh broă mờ Mpồl đơng lam Dà lơgar bè tam gơl pa cơ chế lơh broă bơh ală anih lơh broă dà lơgar crơng gơs. Tàm dơ\ pơrjum, Phó Thủ tướng Vương Đình Huệ đơs ngan là, nùs nhơm ờ tu\ lơi tam gơl ngan ngồn pal tơrmù biên chế công chức, viên chức. Broă lơh là pal tam gơl geh gơtùi cơ chế priă jền, cơ chế mpồl kuang bàng mờ kòn bơnus; tơrmù tiah bơh sơn rờp, tam gơl tus cơ chế lơh tờm is priă jền den geh tơrmù geh biên chế. Phó Thủ tướng kung pà gi\t, broă rơndăp lơh mờ tơngume bơh rơndăp broă lơh tam gơl pa cơ chế atbồ mờ tam gơl pa priă jền mờ bơyai lơh wơl ală anih lơh broă dà lơgar crơng gơs pal pràn kơldang rlau, gơguh jak rlau tai, ờ rơndăp tăp sèng wơl. Den tàng bè hơ\, ală bộ, gah lơh broă dà lơgar mờ ală tiah kờn pal kơlôi sơnơng lùp sền nền nòn, jal mhar bơh bơta geh ngan tàm rài kis, dilah ờ geh broă lơh gơguh jak den geh kal ke ngan gơtùi mu\t lơh. Broă tam gơl pa atbồ dà lơgar mờ broă lơh dà lơgar mờ broă lơh hành chính kờn pal tam cah is loh làng, kờn pal tam gơl pa jơh bè priă jền.

Cau cih mờ yal tơngi\t-Lơ Mu K’ Yến