VOV4.K’ho – Kuang atbồ Mpồl đơng lam ală càr, [òn dờng, anih lơh broă mờ kuang atbồ hìu sơnơm pal kong kơ nòl dilah lời kòp gơbàn ua\, ờ git go\ di tu\. Ală kuang geh jơng tàm Mpồl đơng lam dà lơgar rơcang sơndră kòp Covid-19 neh ring bal bè hơ\ tàm dơ\ pơrjum drim ngai 6/8 geh lơh tàm hìu lơh broă Chính phủ.

Phó Thủ tướng, ồng Vũ Đức Đam neh đơng lam dơ\ pơrjum. Tàm pơrjum, ală kuang geh jơng bơh Mpồl đơng lam dà lơgar mờ ală cau jak chài gah lơh sơnơm pà git, tàm pơgap 1 poh tus do, digơlan kung geh git nđờ jơt nă cau bơ tờp kòp Covid-19 pa gơ rềng tus hìu sơnơm Đà Nẵng halà tàm 2, 3 tiah bơh [òn dờng Đà Nẵng dê.

Jơnau pơhìn gơbàn kòp tàm ală càr, [òn dờng ndai là geh sùm mờ jơnau lơh bơ tờp kòp ờ mìng tàm ală cau bơh Đà Nẵng rê. Mpồl đơng lam kung sồr ală anih lơh broă geh gơ noar mờ ală tiah lơh jat ală broă lơh gàr niam ờ do ờ dă ai dơ\ pơrlòng jơh bơsram kấp 3 in.

Cau mblàng K’Duẩn