VOV4.K’ho – Drim òr 11/7, tàm Hìu duh broă Chính phủ dê, ồng Vương Đình Huệ, Ủy viên Bộ Chính trị, Phó Thủ tướng Chính phủ đơng lam dơ\ pơrjum Mpồl đơng lam tam gơl pa mờ bơtàu tơnguh mpồl lơh sa kă bro bè broă mu\t lơh rơndăp tăp sèng wơl mpồl lơh sa kă bro dà lơgar.

Đơs tàm dơ\ pơrjum, ồng Vương Đình Huệ đơs là, broă lơh rơndăp tăp sèng tam gơl pa mpồl lơh sa kă bro dà lơgar kung gam ờ hềt lơh di jơnau sồr, broă jàu ală mpồl lơh sa kă bro tơnơ\ tu\ lơh bal gam lơyaì, cồng nha lơh broă bơh đah mpồl lơh sa kă bro dà lơgar dê kung gam ờ hềt uă sơl.

Ồng Vương Đình Huệ đơs loh gùng dà broă lơh, ală Bộ, gah sơnah lơh broă dà lơgar mờ ală càr, [òn dờng ngan là pal lơh gơs broă lơh bal ală mpồl lơh sa kă bro jat di tơngai sồr kuơmàng là cau lam bồ ală Bộ, gah sơnah lơh broă mờ ală càr, [òn dờng ko\ng kơnòl tềng đap Chính phủ mờ Thủ tướng Chính phủ dilah ờ lơh jơh kơnòl broă lơh bal, rơndăp tăp sèng ală mpồl lơh sa kă bro dà lơgar.

Cau cih mờ yal tơngi\t-Lơ Mu K’ Yến