VOV4.K’ho- Drim òr 10/7, tàm Hà Nội, Mpồl cau ling yau dà lơgar Việt Nam bơyai lơh Pơrjum Mpồl duh broă dơ\ 8, kơnă V.

Tàm dơ\ pơrjum, ală kuang bàng tơrgùm cribơyai bè cồng nha lơh broă 6 nhai bồ nam 2016. Jat jơnau yal, bơh bồ nam tus tu\ do, Mpồl cau ling yau dà lơgar Việt Nam neh tus bal tă pơgồp jơnau đơs lơh 16 rơndăp lơh adat. Ală kơnă Mpồl cau ling yau lơh pràn srơh “cau ling yau tàm dong kờl bal tơrmù r[ah, bơtàu tơnguh rài kis”, tus bal lơh ală broă lơh sa, mpồl bơtiàn tàm tiah ơm kis. Tàm 6 nhai bồ nam, jơh gùt mpồl neh lơh 2100 nơm hìu ai cau r[ah in; tơrmù rlau 1700 hìu r[ah; jơh nùs lơh pràn lơh sa, bơsong bơta hoàc hươr bơh dơ\ trồ prang soăt dà, mờ gơ bam dà lềng lơh aniai. Bơdìh hơ\ tai, Mpồl gam pơgồp bal mờ ală anih lơh broă, mpồl cau mờ gah sơnah lơh broă tàm tiah ơm kis jòi ală bơnah priă geh tơn tàm hơ\, lơh geh broă lơh ai rlau 50 rbô nă cau lơh broă là cau ling yau mờ oh kòn cau ling yau geh broă lơh kơ\ kơl jăp. Pơrjum neh cribơyai ală broă lơh loh làng nàng pơn jat tai ngui ală bơnah priă mờ broă dong kờl bơh dà lơgar dê, bơta dong kờl bơh ală mpồl lơh sa kă bro mờ cau lòt ling bal dê, brồ guh bơta pràn geh is nàng tơrmù r[ah mhar, kơ\ kơl jăp mờ lơh hìu ơm ai cau ling yau r[ah tàm mpồl in, ngan là cau ling yau r[ah kis tàm tiah sar lơgar ngài, tiah làng bol kòn cau.

Cau cih mờ yal tơngi\t- Lơ Mu K’ Yến