VOV4.K’ho – Mho òr 25/3, tàm hìu lơh broă Gơnoar ala mat dà lơgar, mpồl duh broă sră nggal kơrnuat boh lam mờ jơnau tơngit mblàng yal bơh mpồl duh broă te\ khà dà lơgar dê bơyai lơh pơrjum nàng pơnjat tai mut lơh broă yal jơnau tơngit, mblàng yal bè te\ khà kuang bàng Gơnoar ala mat dà lơgar kơnă 14 mờ kuang bàng Mpồl duh broă ala mat làng bol ală kơnă, tơngai lơh broă bơh nam 2016 tus nam 2021.

Đơs tàm dơ\ pơrjum, ồng Uông Chu Lưu kuang jat jơng atbồ Gơnoar ala mat dà lơgar sồr, tơngai tus, pal tơr gùm tàm broă lơh cribơyai ringbal dar dơ\ 3; ală pơrjum ai jơnau đơs cau te\ khà tàm tiah ơm kis mờ tiah lơh broă bơh cau tus bal tơlik mat te\ khà dê; sền sơ wì, bơsong jơnau yal yă, yal khài bè te\ khà… Gơ wèt mờ broă yal jơnau tơngit, mblàng yal tàm ală anih yal jơnau tơngit, ồng Uông Chu Lưu sồr Mpồl mblàng yal gùng dà broă lơh dà lơgar, Gah yal tơngit mờ mblàng jơnau dà lơgar pơnjat tai đơng lam ală anih lơh [au\, tơr gùm tu\ jiơ nàng yal jơnau tơngit, mblàng yal bè te\ khà; mut lơh ală tơngume, jơnau đơs sùm bè te\ khà. Ồng Uông Chu Lưu sồr Gah yal tơngit mờ mblàng jơnau dà lơgar mhar bơyai lơh bơto pơlam tus mờ cau ai tơngit jơnau đơs, cau cih gơs jơnau đơs ală anih yal tơngit, anih lơh [au\ bè te\ khà. Ồng Uông Chu Lưu tơngkah, broă yal tơngit bè te\ khà tàm sră [au\ là kuơ màng ngan, pal mblàng yal jat di mờ rơndap broă, nàng cau te\ khà in gơtùi go\ bơta kuơ màng bơh dơ\ te\ khà dê kung bè gơnoar mờ kơnòl tus bal te\ khà.

                                               Cau cih mờ yal tơngit K’ Duẩn.