VOV4.K’ho – Drim òr, 04/10, tàm Hà Nội, Anih duh broă Gah tề lam gùng dră bal dà lơgar Việt Nam bơyai lơh pơrjum Mpồl kuang atbồ dơ\ 10, kơnă 8, ai jơnau đơs tàm rơndap cih jơnau yal bơh Mpồl kuang atbồ dê bè bơta làng bol, dà lơgar bơh nhai 7 tus nhai 9 nam 2016. Tàm pơrjum, ală kuang bàng đơs tờm, bơh nhai 7 tus nhai 9 nam do, uă ngan làng bol gùt lơgar iang nùs, chờ hờp pin dờn tàm bơta đơng lam bồ bơh Đảng, bơta atbồ bơh dà lơgar dê. Gơnoar atbồ lơgar neh tơr gùm mut lơh uă broă lơh bơtàu tơnguh lơh sa - mpồl bơtiàn, gàr kơ\ broă lơh sa dờng, gàr khà bơtàu tơnguh lơh sa, tam gơl broă bơcri priă, kă bro…. Mơya, làng bol kung gam ală bơta ờ suk bè rài lơh sa dà lơgar bơtàu tơnguh ờ hềt kơljap, dồs dà lơgar gam tàm khà jơnhua. Broă rơndap tap sèng wơl rài lơh sa gam lơỳai, ờ uă phan lơh gơs bơh suơn sre tac ờ ỳom, tơlik tac gam kal ke.

                    Cau cih mờ yal tơnggit K’ Duẩn.