VOV4.K’ho- Tus bal mờ đơs tàm pơrjum cau ala mat gùt lơgar Mpồl tam klac ală Hội Văn học nghệ thuật Việt Nam, Chủ tịch Quốc hội, mò Nguyễn Thị Kim Ngân đơs nền, Đảng, dà lơgar sùm rơcang ai ală bơta niam ngan rlau jơh ai broă lơh bơceh văn học, nghệ thuật. ală gùng dà, broă lơh bơh Đảng dê bè văn học nghệ thuật neh geh di tu\ tam gơ gơs thể chế tàm adat boh lam, broă lơh, lơh gơlik bơnàng jă adat boh lam ai ua\ broă gơ wèt gah văn học, nghệ thuật in.

Tơngai lơh broă bơh nam 2020 tus nam 2025, mpồl tam klac ală Hội Văn học, nghệ thuật Việt Nam pal pơn jat tai pơlam lơh jat tơl làm, lơh jat ua\ gùng dà, broă lơh bơh Đảng dê, ngan là Nghị quyết pơrjum dờng dơ\ 13 bơh Đảng dê, Nghị quyết sồ 33 bơh Ban Chấp hành Đảng dà lơgar khóa 11 bè “Bơt bơtàu mờ bơtàu tơnguh niam chài, kòn bơnus Việt Nam lơh jat jơnau kờ` bơtàu tơnguh kơ\ kơljap dà lơgar”.

Chủ tịch Quốc hội, mò Nguyễn Thị Kim Ngân đơs nền, tơngai tơ nơ\ do bơh rài văn học, nghệ thuật dà lơgar dê gơ wèt tàm ală rơnàng văn nghệ sĩ, tàm hơ\ geh cau kơ nòm să. Den tàng, tàm tơngai lơh broă tus, Mpồl tam klac đal git broă git go\, bơ tòm tơrgùm, bơto pơlam, dong kờl ală cau jak chài kơnòm să lơh bơta tờm bơtàu tơnguh.

Cau mblàng K’Duẩn