VOV4.K’ho - Tàm ală nam pa do, lơh sa mpồl bơtiàn tàm Tây Nguyên tơnguh bơtàu loh làng jăt broă lơh sa mờ măy mo\k, broă lơh drơng ơla, lơh sa suơn sre, brê bơnơm geh khà niam uă. Tus tu\ do, 5 càr Tây Nguyên neh hòi jà geh di pơgăp 140 anih lơh sa kă bro FDI mờ di pơgăp 17 rơbô anih lơh sa kă bro gam lơh broă. Bơta do neh pơgồp bal tàm broă bơ\t bơtàu rùp rài mờ broă ring niam ală bơta Tây Nguyên in. Mơya, kờ` chồl pràn ală broă tìp bơcri priă kă bro mờ nhơl chờ geh cồng nha, broă lơh mờ mùl màl ngan; ai tơl bơta niam kờ` ală càr in, anih lơh sa kă bro in yal khà măt, yal bơta geh, bơta pràn bơh tơl càr dê. Pa do, tàm [òn dờng Buôn Ma Thuột, càr Dak Lak, Mpồl đơng lam Tây Nguyên neh bơyai lơh pơrjum mu\t lơh bơcri priă tiah Tây Nguyên dơ\ 4. Thượng tướng Tô Lâm, Bộ Trưởng Bộ Công an - Kuang atbồ mpồl đơng lam Tây Nguyên geh jơnau yal bè broă bơcri priă tàm Tây Nguyên.

            - Ơ ồng, 1 tàm 3 tơngu me bơh nhơl chờ kơphe nam do là pơgồp bal kờ` tơnguh bơtàu, bè hơ\, broă pơgồp bal bơh ală càr Tây Nguyên geh sền gròi bơ\t bơtàu bè lơi kờ` geh cồng nha rơlao?

Thượng tướng Tô Lâm: Tây Nguyên geh uă bơta krơi is, geh uă bơta [uơn krơi is, den tàng tơnguh bơtàu pơgồp bal tiah là 1 tàm ală bơta tòm ngan mờ Mpồl đơng lam Tây Nguyên bal mờ ală càr, bal mờ ală bộ, gah lơh broă neh lơh kờ` tơnguh bơtàu. Gơtùi đơs, broă tơnguh bơtàu loh làng ngan tàm tơngai do là tơrgùm bơ\t bơtàu broă tơnguh bơtàu ală broă lơh. Tàm hơ\ kuơ màng ngan là bè gùng lòt, tơbo\ bal bơh ală càr tàm Tây Nguyên, tơrbo\ bal bơh Tây Nguyên mờ ală càr jăt gah dà lềng tiah tàm gùl đah jum dà lơgar, bơh Tây Nguyên mờ tiah 3 mum tơnguh bơtàu bơh lơgar Việt Nam – Lào mờ Campuchia. Broă tơrbo\ bal gùng lòt tus tu\ do neh [uơn rơlao mờ gam tơrgùm ai tơl^k broă tơnguh bơtàu lơh sa mpồl bơtiàn. Broă pơgồp dơ\ 2 kung geh tơl^k loh làng là tơrgùm lơh bal ală bơta phan kờ` geh bơta kuơ uă, tàm hơ\ uă ngan là tàm gah lơh sa suơn sre, brê bơnơm. Dơ\ 3 là pơgồp bal bơh ală tiah kờ` tơnguh bơtàu nhơl chờ bơh Tây Nguyên mờ ală tiah geh broă lơh sa tơnguh bơtàu ndai tàm gùt lơgar.

 - Ơ ồng, ală anih lơh sa kă bro tàm Tây Nguyên ndrờm là ală anih lơh sa kă bro di mơ mờ dềt, geh tu\ dềt ngan. Ală anih lơh sa kă bro do geh sền gròi mờ ai tơl bơta niam bè lơi kờ` geh bơta niam bơcri priă lơh sa geh cồng nha rơlao, pơgồp bal tàm broă tơnguh bơtàu Tây Nguyên dê?

Thượng tướng Tô Lâm: Tàm pơrjum tìp bơcri priă dơ\ do, bol a` tơrgùm tàm broă mu\t lơh broă mờ yal bơta geh tàm Tây Nguyên dê, hòi jà geh uă anih lơh sa kă bro geh broă kơlôi sơnơng di pal mờ bơta geh Tây Nguyên dê kờ` ală anih lơh sa kă bro do bơcri priă lơh sa mờ geh rơndăp broă lơh mùl màl. Bơdìh hơ\ tai, Mpồl đơng lam Tây Nguyên bal mờ ală càr, ală gah lơh broă, lơh niam sră nggal kờ` ai tơl bơta niam ală anih lơh sa kă bro in geh broă lơh niam bè cơ chế broă lơh, bè sră nggal geh [uơn. Dơ\ 3 tai là bol a` tơrgùm, mhar g^t ală kal ke, di tu\ bơsong mơ kờ` lam sồr ală anih lơh sa kă bro in.

- Bơdìh mờ ală pơrjum cri bơyai bè do, kờ` hòi jà uă anih lơh sa kă bro den tiah bơcri priă tàm Tây Nguyên pal geh niam. Mpồl đơng lam Tây Nguyên bal mờ ală Bộ, gah lơh broă lơh bè lơi kờ` dong kờl Tây Nguyên geh tiah bơcri priă bè hơ\?

Thượng tướng Tô Lâm: Bal mờ broă yal bè bơta geh, bơta pràn Tây Nguyên dê, den bol a` kung tơrgùm tàm broă lơh nian sră nggal kờ` ai tơl bơta niam anih lơh sa kă bro in. bơsong ală kal ke, ală broă kòl jan, bơcri priă tơnguh bơtàu broă lơh kung là kờ` geh tiah bơcri priă in [uơn niam. Bol a` kung iăt sùm mờ geh cri bơyai mờ ală anih lơh sa kă bro kờ` g^t di tu\ ală kal ke gơbàn bal mờ ală anih lơh broă, ală Bộ, gah lơh broă, ală càr di tu\ bơsong, ai tơl bơta niam, bơta [uơn ală anih lơh sa kă bro in bơcri priă lơh sa tàm Tây Nguyên.

- Ơi, ưn ngài ồng uă ngan!

Cau cih mờ yal tơng^t Ndong Brawl