VOV4.K’ho – Mho òr, tàm Hà Nội geh bơyai lơh pơrjum mut lơh broă cau chài cah rơ`a, cau chài gah kơrnuat boh lam tus bal pơlam kơrnuat boh lam ờ sa priă làng bol tus lah yă tàm hìu lơh broă wă làng bol dà lơgar. Tàm pơrjum, ală kuang bàng đơs là, kal ke bơh broă dong kờl kơrnuat boh lam ờ sa priă tàm broă lah yă tàm hìu lơh broă wă làng bol dà lơgar sùm neh geh ală anih lơh broă bơ song jat uă kơnă, jo\ jòng bơh uă nam. Ală broă gơlik geh kal ke, [uơn gơ rềng… Bơh mùl màl pơlam kơrnuat boh lam làng bol in, ală kuang bàng sồr pal rơwah ờ uă broă gơlik geh pơn rơ ngan nàng dong kờl kơrnuat boh lam làng bol in mờ dong anih lơh broă dà lơgar bơsong jơh broă lah yă làng bol in, bơh hơ\ ai geh mờng chài lơh broă nàng broă dong kờl geh cồng nha, ngan ngồn rlau. Bal mờ hơ\, bơh ngan ngồn pơlam ai go\, pal tơnguh jơnhua broă wă làng bol tàm [òn lơgar bơh kuang bàng wă làng bol dê, pleh bơta làng bol lah yă sơrlèt kơnă geh gơnoar. Anih lơh broă dà lơgar pal bơsong lah yă làng bol dê di mờ tơngai, dilah ờ bài bơsong pal đơs loh jơnau lơi mờ ờ bài jat jơnau cih kơrnuat boh lam dê.

                   Cau cih mờ yal tơnggit K’ Duẩn.