VOV4.K’ho – Mho òr 8/7, tàm Yên Bái, mpồl đơng lam tiah đah tô mattơngai mut dà lơgar pơ gồp bal mờ mpồl duh broă gah jat yang gơnoar atbồ lơgar bơyai lơh pơrjum “ Mut lơh broă lơh tus mờ yang Tin lành tơngai bơh nam 2016 tus nam 2020 tiah đah tô mattơngai mut dà lơgar mờ tiah rềp bal. Tàm pơrjum, mò Hoàng Thị Hạnh, kuang jat jơng atbồ mpồl đơng lam tiah đah tô mattơngai mut dà lơgar pà git: Tơngai lài, broă lơh gah jat yàng tàm tiah đah tô mattơngai mut dà lơgar sùm geh Đảng, dà lơgar sền gròi, gàr niam gơnoar khat gơ boh pin dờn jat yàng bơh tơl nă cau dê; lam ală broă lơh bơh ală gah jat yàng lơh broă kơljap, jat jơnau cih kơrnuat boh lam dê. Tàm tơngume pơrjum, ală kuang bàng neh cribơyai uă bơta bè broă lơh jat yàng tiah đah tô mattơngai mut dà lơgar dê bè broă pơlam crơng gơs ală mpồl duh broă gah jat yàng tàm [òn lơgar tus mờ ală hìu jum tơnơ\ mờ tu\ geh lơh sră cih mat pơrjum gah jat yàng tàm tiah đah tô mattơngai mut dà lơgar mờ tiah rềp bal; tam cah hìu jum [òn lơgar; kơnòl, gơnoar bơh hìu jum [òn lơgar; kơnòl bơh gơnoar atbồ tàm [òn lơgar tus mờ broă lơh jat  yàng.

                     Cau cih mờ yal tơnggit K’ Duẩn.