VOV4.K’ho – Drim ngai òr 9/12, Bộ Chính trị bơyai lơh Pơrjum pờ tơn tàm internet gùt lơgar mblàng yal lơh jat Nghị quyết Dà lơgar 4, kơnă XII bè sơlơ bơ\t bơtàu, lơh niam wơl Đảng; kơryan, lơh tơrmù bơta ờ niam bè nùs nhơm chính trị, bồ tơngoh, rài kis, broă lơh, ală bơta gơ tơngo\ “tam gơl is”, “lơh tam gơl” tàm dơlam is. Đơs mu\t pơrjum, Tổng Bí thư Nguyễn Phú Trọng, đơs loh: bơta tam dră bơta ờ niam, bơ\t bơtàu nùs nhơm bồ tơngoh kăc màng tàm mpồl kuang bàng, cau geh đảng neh geh Chủ tịch Hồ Chí Minh sền gròi uă ngan. Bác Hồ đơs là, dùl Đảng mờ ờ sền go\ geh bơta tìs, bơta ờ niam ờ pràn jak bơh să tờm he dê ờ jơh nùs tam gơl wơl là dùl Đảng ờ gơtùi. Mìng kờp is bơh tu\ tam gơl pa tu\ do, Đảng he neh geh uă nghị quyết, chỉ thị, uă dơ\ lam sồr bơ\t bơtàu lơh niam wơl Đảng. Tổng Bí thư Nguyễn Phú Trọng, đơs:

“Tu\ do tàm tu\ tơngai pa, ơm tềng đap jơnau sồr tam gơl bơta yau gơ gơs bơta pa, mờ broă lơh dờng rlau, geh uă bơta kal ke bơta lòng pa, rlau mờ tu\ lơi jơh bol he sơlơ kờn pal lơh jat niam bơhiàn khin cha jak chài mờ nùs nhơm niam bơne\ bơh Đảng he dê, kràn cê jơh nùs tam dră mờ ală bơta gơ tơngo\ gơmù ờ niam, sền gròi bơ\t bơtàu Đảng ngai sơlơ sàng goh, pràn kơldang kơ\ kơl jăp, tam klac bal rềp mềl mờ làng bol, tơl pràn đơng lam dà lơgar ngai sơlơ bơtàu tơnguh. Bol he ờ go\ di ngòt bơta tìs bơta ờ pràn jak, mơya kung ờ go\ di ai gơnoar cau lơi in sơmờm tam dră bơsong bơta tìs ờ niam nàng lơh tam bàs, bơ chồt, tam dră lơh aniai Đảng he, tam dră lơh aniai broă lơh kăc màng bơh jơi bơtiàn he dê”.

Cau cih mờ yal tơngi\t- Lơ Mu K’ Yến