VOV4.K’ho – Drim òr 09/01, tàm Hà Nội, Gah lơh broă adat boh lam dà lơgar bơyai lơh Pơrjum pờ tơn tàm internet gùt lơgar mu\t lơh broă lơh adat boh lam nam 2016 mờ broă rơndăp lơh tàm tơngai lơh broă bơh nam 2016- 2020.

Đơs tàm dơ\ pơrjum, ồng Uông Chu Lưu kuang jat jơng atbồ Gơnoar ala mat dà lơgar cih dờp, jờng rơ ală cồng nha mờ gah lơh broă adat boh lam lơh geh tàm nam lài. Ring nùs bal mờ ală kơnòl broă tờm tàm nam 2016, ồng Uông Chu Lưu đơs tờm, dùl tàm ală kơnòl broă lơh sùm tàm jơh gùt tu\ tơngai lơh kơnòl broă tus là tam gơl broă lơh bơh bơ\t bơtàu tus lơh gơs adat boh lam gơ jat bal mờ lam lơh jat adat boh lam, đơs uă nùs nhơm sền dờng màng Sơnoa boh lam, kơrnoat boh lam tàm gùt mpồl bơtiàn. Den tàng bè hơ\, sồr Gah lơh broă adat boh lam kờn pal pơn jat tai mu\t lơh dùl ròt ală broă lơh di gơnoar broă, mờ kơnòl broă bơh he dê, bơh broă pơn jat tai lơh gơs ală adat boh lam, kơrnoat lam lơh jat adat boh lam mờ lơh tam gơl pa adat boh lam tus dì atbồ ală broă lơh sră nggal sền gròi ai ngui kơrnoat boh lam, dong kờl adat boh lam, lơh jat kơrnoat lơh tìs glài broă phan bơna làng bol, sră nggal, ai broă lơh drơng ala dà lơgar, bơto cau lơh broă tàm gah lơh broă adat boh lam mờ sền gròi ai ngui kơrnoat boh lam

Cau cih mờ yal tơngi\t- Lơ Mu K’ Yến