VOV4.K’ho – Drim òr 16/5, tàm Hà Nội, Mpồl đơng lam Đảng dà lơgar neh bơyai lơh pơrjum pờ tơn tàm internet tơn jơh 5 nam lơh jat Kơrnoat sồr sồ 03 bơh Gah Gùng dră bal dà lơgar dê bè pơn jat tai lơh pràn broă bơsram mờ lơh jat ơnà jak Bác Hồ dê mờ mu\t lơh kơrnoat sồr pa bơh Gah Gùng dră bal dà lơgar dê. Pơrjum tơrgùm đơs song dơ pă cồng nha, bơta ờ hềt pràn jak mờ jơnau bơh tài gơbàn mờ ală mờng chài ai geh tơnơ\ 5 nam mu\t lơh kơrnoat sồr sồ 03 bơh Gah Gùng dră bal dà lơgar kơnă 11 dê; gi\t kơnòl broă mờ broă rơndăp lơh tờm pơn jat tai lơh pràn bơsram mờ lơh jat ơnà jak Bác Hồ dê tàm tơngai tus. Pơrjum jờng rơ ală mpồl cau, cau dùl nă să pơnrơ jak, geh uă cồng nha tàm broă bơsram mờ lơh jat ơnà jak Bác Hồ dê, lơh geh nùs nhơm pin dờn, chờ hờp, geh bơta lơh gơrề uă, nàng lơh pràn mờ tơnguh jơnhoa cồng nha broă bơsram, lơh jat nùs nhơm, bồ tơngoh, ơnà jak Bác Hồ dê tàm tơngai tus.

Cau cih mờ yal tơngi\t- Lơ Mu K’ Yến