VOV4.K’ho – Drim òr (10/11), tàm Hà Nội mut pơrjum pơr lòng kờ` gơboh dà lơgar Gah bơt bơtàu dơ\ 4. Đơs tàm dơ\ pơrjum, ồng Vũ Văn Ninh kuang jat jơng gơs gơnap gơnoar atbồ hơđang rlau jơh dà lơgar đơs loh, tềng đap jơnau kờ` bơh tơngai tam gơl pa dà lơgar, mut gơ rờm bal ngai sơlơ pràn, Gah bơt bơtàu pal mhar bơsong ală bơta ờ pràn, ờ niam, pơnjat tai mblàng yal uă nùs nhơm Hồ Chí Minh bè pơr lòng kờ` gơboh dà lơgar; mut lơh ringbal ală broă lơh kờ` lơh geh bơta tam gơl bè cồng nha tàm srơh pơr lòng, tam gơl pa mờ tơnguh bơta niam pà khà jờng… Ồng Vũ Văn Ninh kung sồr Gah bơt bơtàu pơnjat tai mut lơh niam ală kơnòl gùng dră bal bơh gah do dê bè lơh sir kơrnuat lơh broă, bơta dong kờl kơrnuat boh lam, sền gròi niam broă tam gơl tiah drà jat rơndap broă; mut lơh niam ală jơnau kờ` ai tơlik tàm rơndap broă bơtàu tơnguh hìu ơm dà lơgar.

                                                                    Cau cih mờ yal tơngit K’ Duẩn