VOV4.K’ho – Mho òr 25/1, pơrjum cau ala mat gùt lơgar dơ\ 12 bơh Đảng dê lơh broă tàm hìu pơrjum, iat mpồl kuang atbồ yal bè broă te\ khà mờ sră cih mat cau tơlik mat te\ khà, cau geh sồr tơlik mat te\ khà, ală cau dan lik bơh sră cih mat geh sồr tơlik mat te\ khà mpồl đơng lam Đảng dà lơgar kơnă 12. Tơnơ\ hơ\ pơrjum neh mut lơh đùh sră cau tơlik mat te\ khà, cau geh sồr tơlik mat te\ khà mờ ală cau dan lik bơh sră cih mat sồr tơlik mat te\ khà bơh mpồl đơng lam Đảng dà lơgar kơnă 12.

Tơnơ\ pơrjum mho òr, hơ jơnau lùp cau lơh bau\ dê, ồng Nguyễn Quốc Cường, kuang geh jơng tàm mpồl Đảng dà lơgar kơnă 11, mơ là kuang atbồ mpồl cau lơh broă sa lơgar Việt Nam pà git: Tàm khà 62 nă cau geh pồ bơ tơl, 29 nă cau tơlik mat te\ khà neh dan lik. Pơrjum neh đùh sră bè broă geh ai gơnoar 29 nă cau tơlik mat te\ khà dan lik làh ờ nàng pơn dut sră cih mat te\ khà. Ngai do 26/1, pơrjum lơh broă tàm hìu pơrjum jơh dùl ngai, mut lơh đùh sră pồ mpồl đơng lam Đảng dà lơgar kơnă 12 geh 180 nă cau kuang geh jơng ngan ngồn mờ 20 nă kuang geh jơng rơcang lài. Broă lơh bè cau lơh broă là dùl tàm ală tơngume bơh pơrjum dê neh geh pơrjum cribơyai nền nòn ngan bè khà tơl, rơndap tap sèng. Ală kuang bàng tus bal pơrjum neh geh yal ală jơnau tơngit kuơ màng tàm sră cih mat yal cau tơlik mat te\ khà mpồl đơng lam Đảng dà lơgar kơnă 12 bơh mpồl đơng lam Đảng dà lơgar kơnă 11.

                                                           Cau cih mờ yal tơngit K’ Duẩn.