VOV4.K’ho - Drim òr (26/10), tàm Hà Nội, mpồl cau dờng sơnam lơgar Việt Nam bơyai lơh pơrjum pơn jờng kuang bàng cau tàm mpồl cau dờng sơnam geh pơnrơ jăk gùt lơgar tàm broă pơrlòng kờ` gơboh mờ dà lơgar “Sơnam dờng-Bồ tơngoh ngăc ngar” tơngai bơh nam 2015 tus 2020.

              Phó Chủ tịch lơgar mò Đặng Thị Ngọc Thịnh pà rùp Bác Hồ mpồl cau dờng sơnam in

Phó Chủ tịch lơgar mò Đặng Thị Ngọc Thịnh đơs: tàm bơta khà kờp làng bol tàm lơgar he gơtìp kra gơguh uă, sơnam bè ờs geh tơngo\ gơguh mhar, mơya khà nam kis pràn kơl dang ờ uă.

Tàm hơ\ uă ngan là tềng đăp mờ bơta gơrềng bơh kòp Covid-19 kung bè rềs àr bơh mìu càl dờng dà tih dà cò, cau dờng sơnam [uơn ngan gơtìp aniai tus mờ bơta pràn kơl dang să jan mờ bơta niam ờ do ờ dă uă.

Den tàng, Phó Chủ tịch lơgar sồr, ală cấp uỷ đảng, gơnoar atbồ, măt trận dà lơgar bal mờ ală mpồl lơh broă, hìu nhă mờ gùt mpồl bơtiàn pơn jăt tai lơh jăt, lơh jăt niam adăt cau dờng sơnam kung bè ală gùng dà broă lơh bơh Đảng, Dà lơgar bè cau dờng sơnam nàng sền gàr cau dờng sơnam tơl ală bơta bè phan bơna bal mờ nùs nhơm.

Cau mblàng ndong Brawl