VOV4.K’ho- Ngai 6/7, Ban Chấp hành Đảng bộ càr Gia Lai bơyai lơh Pơrjum dờng dơ\ 22 (rề ơnàng). 6 nhai bồ nam do, khà gơguh lơh sa bơh càr Gia Lai dê mìng lơh geh rlau 4% lơm. Lơh sa kal ke, mơya Gia Lai neh lơh niam broă lơh rcăng sơndră kòp Covid-19, gàr niam rài kis mpồl bơtiàn, gàr kơ\ bơta lơngăp lơngai chính trị, rơndăp tăp sèng ờdo ờdă jơh gùt mpồl bơtiàn.

Bulah bè hơ\, tàm càr kung gam geh sơl uă broă, ngan là kòp bạch hầu gơbàn pa do mờ bơta yal yă gal cau, jo\ jòng. Gơ wèt mờ bơta kơlôi rcăng bè cau kòp bạch hầu bơh sơnrờp tàm càr bulah neh geh ci\t tơl 4 ding sơnơm vaccine rcăng sơndră kòp bạch hầu mơya kung gam gơtìp chơ\t sơl tơnơ\ 2 ngai piam kòp tàm hìu sơnơm, Sở Y tế càr Gia Lai đơs là, jơnau digơlan là tài bơh cau kòp gơ wèt mpồl dờp dùl êt mờ sơnơm vaccine. Đơs pơndu\t dơ\ pơrjum, Tỉnh ủy Gia Lai sồr jơh gùt Đảng bộ tơrgùm đơng lam, sồr lơh bơsong ală jơnau gam geh, gam gơkòl, dong kờl lơh sa bơtàu tơnguh; rcăng gơhòi gơ jà ală mpồl cau tus bơcri priă pa; lơh pràn hòi jà cau lòt nhơl mờ ngui sa.

Cau mblàng Lơ Mu K’Yến