VOV4.K’ho –  Mho òr 26/11, tàm càr Gia Lai, Mpồl đơng lam Tây Nguyên pơgồp bal mờ Anih priă jền Dong kờl cau r[ah Việt Nam bơyai lơh Pơrjum sền wơl 3 nam mu\t lơh rơndăp broă lơh niam wơl, tơnguh jơnhoa cồng nha ai càn priă mờ 2 nam pơgồp bal mu\t lơh ală broă lơh ai càn priă dong kờl cau r[ah tiah Tây Nguyên. Đơs tàm dơ\ pơrjum, Đại tướng Trần Đại Quang kuang atbồ Gah Kuang àng dà lơgar mơkung là kuang atbồ Mpồl đơng lam Tây Nguyên dê đơs niam ngan ală bơta tă pơgồp bơh Anih priă jền Dong kờl cau r[ah Việt Nam dê tus mờ bơta bơtàu tơnguh Tây Nguyên dê. Bal mờ ală cồng nha neh lơh geh, Đại tướng Trần Đại Quang kung yal ală bơta gam ờ hềt lơh, ờ hềt niam bè bồ tơngoh bơtàu tơnguh lơh sa- mpồl bơtiàn bơh tiah Tây Nguyên dê gam ờ hềt jak chài ngan; rơndăp tăp sèng lơh sa- mpồl bơtiàn ờ hềt ndrờm bal, lơyaì geh tam gơl pa; rài kis bơh dùl bơnah làng bol dê gam kal ke, uă ngan là làng bol kòn cau tàm tiah sar lơgar ngài; khà hìu r[ah kung gam uă sơl. Den tàng bè hơ\, broă lơh niam wơl mờ tơnguh jơnhoa cồng nha ai càn priă, pơn jat tai lơh ală broă lơh ai càn priă dong kờl cau r[ah geh bơta kuơ dờng màng ngan nàng ală càr tàm Tây Nguyên mờ ală càr rềp bal tơrmù r[ah kơ\ kơl jăp mờ pơn jat tai bơtàu tơnguh.

Cau cih mờ yal tơngi\t- Lơ Mu K’ Yến