VOV4.K’ho – Ngai òr 24/03, tàm Hà Nội, Anih priă jền Dà lơgar bơyai lơh pơrjum “Sền wơl cồng nha mu\t lơh Broă lơh ai càn priă lơh tơrlòng lài drơng bơtàu tơnguh broă lơh sa sươn sre jat Kơrnoat sồ 14 bơh Gơnoar atbồ lơgar dê”. Jơnau yal bơh Anih priă jền Dà lơgar dê ai go\, tơnơ\ mờr 2 nam lơh, broă lơh neh lơh geh jơnau kờn neh sồr bal mờ ală cồng nha kuơmàng ngan. Ală mpồl lơh sa kă bro geh săc rwah jơh nùs ngan lơh bal mờ cau lơh broă sa, bơcri priă blơi măy mok jak chài pa ngui tàm broă lơh sa sươn sre nàng geh phan ngui lơh broă geh sùm mờ niam cèng wơl khà priă gơguh uă tai ai phan bơna lơh gơs bơh sươn sre in, den tàng bè hơ\, rài kis ngai sơlơ geh tam gơl rlau. Đơng lam tàm dơ\ pơrjum, ồng Nguyễn Văn Bình kuang atbồ Anih priă jền Dà lơgar Việt Nam, đơs niam ngan ală cồng nha mờ broă lơh neh lơh geh, kuơmàng là bơta pơgồp bal niam ngan tàm tu\ đơng lam mu\t lơh broă lơh bơh ală Gah, sơnah lơh broă dà lơgar mờ anih duh broă làng bol ală càr, [òn dờng dê mờ bơta lơh ngan bơh ală mpồl lơh sa kă bro mờ ală anih priă jền ai càn priă dê. Ồng Nguyễn Văn Bình đơs loh, ală cồng nha mờ broă lơh ai càn priă lơh tơrlòng lài lơh geh là uă ngan mờ geh bơta kuơ dờng màng ngan tàm broă lam lơh wơl broă lơh sa sươn sre tàm bơta tu\ do.

Cau cih mờ yal tơngi\t- Lơ Mu K’ Yến mờ Ndong Brawl