VOV4.K’ho – Ngai òr, 14/4, càr Daknông bơyai lơh pơrjum khoa học mờ tơngume “Tac phan lơh gơs bơh suơn sre càr Daknông gơjat bal mờ drà kă bro tac phan hờ lơgar ndai – Bơta gơlik geh mờ broă lơh”. Pơrjum cribơyai 2 tơngume tờm là rơndap lài bơtàu tơnguh ală bơta phan lơh gơs bơh suơn sre tờm ngan gơjat bal mờ drà kă bro tac phan hờ lơgar ndai mờ mpồl lơh sa cribơyai kă bro phan lơh gơs bơh suơn sre càr Daknông. Uă jơnau đơs đơs là, bal mờ broă lơh niam rơndap ù tiah, mut lơh rơndap bă tiah tàm ală bơta chi tam, ròng phan geh bơta pràn, Daknông kung pal chồl pràn rlau tai ală broă lơh tam klac bal nàng crơnggơs ròt bơta kuơ lơh sa suơn sre bơtàu tơnguh kơ\ kơljap; kơlôi sơnơng nàng crơng gơs anih cribơyai kă bro phan lơh gơs bơh suơn sre nàng làng bol, mpồl lơh sa kă bro tus bal blơi, tac phan lơh gơs bơh suơn sre…

             Cau cih mờ yal tơnggit K’Duẩn