VOV4.K’ho - Drim òr (08/7), tàm hìu lơh broă Chính phủ, Phó Thủ tướng ồng Vương Đình Huệ, kuang atbồ mpồl đơng lam pơrjum tam jào broă lơh 6 nhai bồ nam do bơh mpồl đơng lam tam gơl pa mờ tơnguh bơtàu anih lơh sa kă bro.

Đơs tàm pơrjum, Phó Thủ tướng đơs loh, broă cổ phần mờ tơn jơh priă dà lơgar gam lơyài pơn drờm mờ rơndăp broă geh ai, geh bơta do là tài ờ uă Bộ, gah lơh broă dà lơgar, ală càr, [òn dờng, bal mờ tập đoàn lơh sa, Tổng công ty Dà lơgar bal mờ anih lơh sa kă bro Dà lơgar kung gam ờ nền nòn, lơh pràn tàm broă đơng lam mờ lơh jăt.

Phó Thủ tướng sồr, ală Bộ, gah lơh broă dà lơgar nền nòn, mhar sền wơl mờ pơgồp jơnau, k^ di tu\ gùng dà broă ngui ù jăt mờ kơrnoăt gơwèt mờ ală anih lơh sa kă bro Dà lơgar, ală anih lơh sa kă bro cổ phần geh bă ù tàm ală càr, [òn dờng, rơcang bơsong kal ke, chồl mhar broă lơh jăt rơndăp broă cổ phần mờ tơn jơh priă, gàr niam nền nòn, loh làng, ndrờm bal di jăt mờ kơrnoăt bơh Thủ tướng Chính phủ neh ai.

Cau mblàng Ndong Brawl