VOV4.K’ho –  Ngai òr 24/11, tàm Brê dà lơgar Yok Đôn, càr Dak Lak dê, Mpồl lơh broă sền gàr brê bơnơm di Gah Lơh broă sa mờ bơtàu tơnguh [òn lơgar dà lơgar dê bơyai lơh Pơrjum tàm jàu broă lơh ală brê dà lơgar, tiah sền gàr brê bơnơm geh is gùt lơgar nam 2015 .

Tu\ do, tàm gùt lơgar geh 31 Brê dà lơgar mờ 58 tiah sền gàr brê bơnơm geh is, atbồ sền gàr jơh ală là rlau 2 tơlak lồ brê dờng màng. Bơh bồ nam tus tu\ do, ală mpồl neh sền go\ mờ lơh glài rlau 2000 dơ\ lơh tìs (gơmù rlau 200 dơ\), lơh glài mờ priă jàu kes priă dà lơgar in 5 tơmàn 300 tơlak (gơguh mờr 1 tơmàn priă) pơndrờm mờ nam lài. Ală Brê dà lơgar, tiah sền gàr brê bơnơm geh is kung bơyai lơh uă broă lơh kơlôi sơnơng jak chài, sền gàr uă phan kis geh is, mờ chul chồl bơtàu tơnguh nhơl chờ brê bơnơm geh is tàm brê dờng màng, mờ kờp jơh priă lơh geh là rlau 77 tơmàn (gơguh 12% pơndrờm mờ nam 2014). Bulah bè hơ\, jơnau kờ` bơtàu tơnguh lơh sa- mpồl bơtiàn, ală brê dà lơgar, tiah sền gàr brê bơnơm geh is kung gam pal ko\ng mờ uă bơta kal ke, uă ngan là bơta kal ke bơh broă tam gơl jơnau kờ` ngui brê nàng lơh ală bơtơ\t dơng dà hìu măy pờ tơlik ồs đèng, lơh gùng lòt, lơh phan bơna, tơnhàu phan kuơ tàm ù…Ală broă lơh bơ\t bơtàu do ờ mìng ngui uă bă brê, mờ gam lơh roh uă ngan bă brê dờng màng, halà lơh geh ală bơta kơrya` tus mờ bơta ơm kis mờ ntrờn ơm kis bơh phan brê dê, mơkung pờ gùng ai ală cau koh kơl kơ`au brê tìs mờ kơrnoat boh lam in. Bè broă bơsong bơta ờ niam đah sền gàr mờ bơtàu tơnguh, ồng Trần Thế Liên lơh broă tàm Mpồl sền gàr brê bơnơm geh is, đơs: “Jat bol a` kơlôi den broă kuơmàng ngan rlau jơh là pal lơh gơs niam kơrnoat, gùng dà broă lơh, kuơmàng là broă sền sơ wì bơta gơrềng tus tiah ơm kis pal jrô ơnàng, tu\ sền sơ wì pal lơh niam ngan; mờ pal geh bơta pơlam gùng ai broă lơh sền gàr in jat tàm bơta pal jăt ală rơndăp ù tiah, bè hơ\ den hơ\ sồng gơmù geh bơta sơgràm tus brê dờng màng. Dùl bơta tai là tu\ do geh ală brê dà lơgar gơ ơm tơn tàm ală [òn dờng, [òn drà, den tàng broă rơndăp ù tiah rề ơnàng [òn dờng, [òn drà den kờ` pal geh ală broă lơh dong kờl ai ală brê dà lơgar in, kờ` sền gàr  kơ\ kơl jăp mơya kung gam ngui bơtàu tơnguh geh bơta pràn jak bơh gơ dê”.

Cau cih mờ yal tơngi\t- Lơ Mu K’ Yến