VOV4.K’ho – Drim òr 13/12, tàm [òn dờng Hồ Chí Minh, ồng Nguyễn Thiện Nhân kuang geh jơng Gah Gùng dră bal dà lơgar, mơkung là Kuang atbồ Anih duh broă gah tề lam gùng dră bal dà lơgar Việt Nam đơng lam Pơrjum tàm jàu broă lơh gah tề lam mpồl tàm pơrlòng ală [òn dờng gơ wèt Dà lơgar nam 2015. Jat jơnau đơs bơh Anih duh broă gah tề lam gùng dră bal dà lơgar Việt Nam dê, tàm nam lài, bơta lơngăp lơngai gùng dră bal, rơndăp tăp sèng ờdo ờdă gùt mpồl bơtiàn tàm 5 [òn dờng gơ wèt Dà lơgar, là: Hà Nội, [òn dờng Hồ Chí Minh, Hải Phòng, Đà Nẵng mờ Cần Thơ pơn jat tai geh sền gàr niam mờ kơ\ kơl jăp. Ală rơnàng làng bol iang nùs tềng đăp ală broă lơh bơsong mờ gùng dà broă lơh kơrnoat boh lam bơh Gơnoar atbồ lơgar dê ai tơlik kờ` gàr niam lơh sa kă bro, bơtàu tơnguh wơl broă lơh sa, kơryan gơmù khà priă, sền gàr niam lơngăp lơngai rài kis mpồl bơtiàn. 5 [òn dờng pơn jat tai lơh geh khà gơguh tai lơh sa uă, geh tiah lơh geh tus rlau 12%. Bơh hơ\ tơngo\ geh bơta lơh ngan tàm broă đơng lam bơh Mpồl Đảng, bơta đơng lam bơh Gơnoar atbồ dê tàm broă pơgồp bal mờ gah tề lam gùng dră bal dà lơgar, ală mpồl cau lơh broă gùng dră bal mờ mpồl bơtiàn mờ làng bol kờ` tơrgùm mu\t lơh dùl ròt bal uă broă lơh bơtàu tơnguh lơh sa kă bro, sền gàr niam lơngăp lơngai rài kis mpồl bơtiàn tàm tơl tiah. Đơs mu\t pơrjum, ồng Nguyễn Thiện Nhân kuang atbồ anih duh broă gah tề lam gùng dră bal dà lơgar Việt Nam, đơs tờm: “Nam 2016 gah tề lam geh lơh pràn srơh lơh broă bơceh pa tàm làng bol. Tài bơh tàm nam lài, gah tề lam ờ hềt geh broă lơh lơi tàm srơh lơh broă bơceh pa. Bơyai lơh sền gròi lơh tam gơl pa lơh sră nggal dà lơgar, priă dia, tă dia phan kă bro mờ lơgar ndai bơh 13 càr mờ [òn dờng tàm gùt lơgar. Do là ală tiah lơh geh priă jền uă. Bơh cồng nha nam 2015 dê den geh broă rơndăp lơh bơto pơlam bè broă sền gròi priă dia, tă dia phan kă bro mờ lơgar ndai, 5 [òn dờng gơ wèt Dà lơgar là 5 tiah lam bồ lài tàm tu\ tơngai mu\t gơrờm bal mờ dunia. Den tàng bè hơ\, lơh tam gơl pa priă dia, tă dia phan kă bro mờ lơgar ndai pal lam bồ lài”.

Cau cih mờ yal tơngi\t- Lơ Mu K’ Yến