VOV4.K’ho – Drim 23/9, tàm Hà Nội, Bộ Giáo dục mờ Đào tạo bơyai lơh pơrjum tàm pơrlòng kờ` gơboh dà lơgar Gah bơto bơsram dơ\ 7, tơngai bơh nam 2020 tus nam 2025. Tus bal pơrjum geh Phó Chủ tịch lơgar, mò Đặng Thị Ngọc Thịnh bal mờ kuang đơng lam ală bộ, mpồl, gah broă lơh mờ rlau 300 nă cau là kuang bàng, cau pơgru, kơnòm bơsram, ala mat git nđờ rbô nă cau geh pơn rơ gơguh jak gùt lơgar.

Đơs tàm pơrjum, Phó Chủ tịch lơgar, mò Đặng Thị Ngọc Thịnh sồr Gah bơto bơsram pơn jat tai tơnguh ală cồng nha neh lơh geh; mơkung pơn jat tai lam lơh niam ală gùng dà, broă lơh bơh Đảng mờ dà lơgar dê bè bơtàu tơnguh bơ to bơtê mờ bơsram jat gùng dà tam gơl pa kươmàng, tơl làm. Bal mờ hơ\, gah bơto bơsram pal sền gròi mờ lơh niam rlau tai broă lơh mblàng yal, git go\, yal tơnggit, lam lơh ua\ ală pơn rơ bè cau niam, broă niam, broă lơh bơceh pa, geh cồng nha bơh ală hìu bơsram.

Cau mblàng K’Duẩn