VOV4.K’ho- Ngai 17/11 tàm Hà Nội geh bơyai lơh pơrjum tàm pơrlòng kờ` gơboh dà lơgar gah Lao động, Thương binh mờ Xã hội tơngai bơh nam 2016 tus nam 2020. Tus bal mờ đơs tàm pơrjum, Phó Chủ tịch lơgar, mò Đặng Thị Ngọc Thịnh đơs niam ală cồng nha mờ Bộ Lao động, Thương binh mờ Xã hội lơh geh tàm 5 nam do.

Bơh ală srơh tàm pơrlòng duh hồl ngan mờ làm gùt bă tiah neh geh ua\ mpồl bal, mpồl cau geh pơn rơ gơguh jak lam lài tàm ua\ gah. Kuơmàng, Bộ Lao động, Thương binh mờ Xã hội neh rơcang lài pơgồp bal mờ ală Bộ, gah broă lơh geh gơ rềng neh geh ală broă lơh dong kờl di tu\ làng bol gơtìp kal ke tài bơh kòp Covid-19.

Phó Chủ tịch lơgar sồr Gah Lao động, Thương binh mờ Xã hội pal tơrgùm bơsong jơh broă pà khà jờng cồng nha rài tam lơh gam wơl mờ jàu pà khà jờng pơn iờ să dà lơgar “Mè Việt Nam khin cha jak chài” nàng kờ` lam lơh niam broă kis git jơnau git adat boh Đảng, dà lơgar dê gơ wèt tus mờ cau geh màng mờ dà lơgar.

Cau mblàng K’Duẩn