VOV4.K’ho – Drim do, 23/2, tàm [òn dờng Nha Trang, càr Khánh Hoà, Bộ Tài chính pơgồp bal mờ anih priă jền dà lơgar Việt Nam đơng lam pơrjum Thứ trưởng Tài chính mờ Phó kuang atbồ anih priă jền dà lơgar APEC. Do là broă lơh sơn rờp bơh rơndap broă Bộ trưởng Tài chính APEC tàm ròt ală broă lơh nam APEC 2017 bơh lơgar Việt Nam dê. Ală Thứ trưởng, Phó kuang atbồ anih priă jền dà lơgar APEC geh cribơyai bè ală tơngume: Bơta lơh sa, priă jền dờng dunia mờ kơn hoàl; mut lơh rơndap broă lơh CeBu; bơcri priă jo\ tơngai ai phan bơna in; ờ niam mpồl tă dia mờ tam gơl bơta kuơ; priă jền mờ bảo hiểm rềs àr trồ tiah lơh aniai. Jat broă lơh bơh pơrjum dê geh lơh tàm 2 ngai 23 mờ 24/2, ală lơgar geh jơng tàm mpồl digơlan geh tơr gùm cribơyai bè bơta lơh sa dờng tàm kơnhoàl mờ gùt plai ù, bè tơngume bơh ală jơnau tờm nàng lơh tờm broă lơh bơh rơndap broă Bộ trưởng Tài chính APEC 2017, ringbal tu\ tơngai, rơndap broă mut lơh ală tơngume.

           Cau cih mờ yal tơnggit K’Duẩn