VOV4.K’ho – Mho òr, 16/6, tàm [òn dờng Buôn Ma Thuột, càr Daklak, Bộ Ngoại giao, mpồl đơng lam Tây Nguyên, Đại sứ quán Hàn Quốc tàm Việt Nam, Ủy ban nhân dân càr Daklak pơgồp bal bơyai lơh pơrjum “Tìp mat Hàn Quốc mờ tiah Tây Nguyên”. Hàn Quốc tu\ do là lơgar bơcri priă dờng dơ\ 3 tàm Việt Nam mờ priă bơcri rlau 50 tơmàn đôlar, priă lơh geh bơh kă bro đah 2 lơgar geh mờr 43 tơmàn đôlar.

Bè đah lơgar Việt Nam, tàm rơndap broă sap sèng wơl lơh sa den rơndap sap sèng wơl lơh sa suơn sre là broă lơh kuơ màng, 5 càr Tây Nguyên geh bơngă kuơ màng ngan. Ồng Lee Hyuk, Đại sứ Hàn Quốc tàm Việt Nam đơs là, tơngai lài, ală mpồl lơh sa kă bro lơgar Hàn Quốc mìng pa bơcri tàm gah lơh gơlik phan, đèng - điện tử… Pơrjum dơ\ do neh ai geh uă bơta [uơn nàng mpồl lơh sa kă bro lơgar Hàn Quốc tam klac mờ ală càr Tây Nguyên, tàm ală gah geh bơta pràn ndai bè lơh gơlik phan bơna bơh suơn sre brê bơnơm công nghệ cao, nhơl chờ, lơh sơnơm, bơtàu tơnguh năng lượng kloh niam.

               Cau cih mờ yal tơnggit K’Duẩn