VOV4.K’ho - Drim òr (17/3), tàm càr Bình Thuận, Gah lơh sa mờ tơnguh bơtàu [òn lơgar dà lơgar neh bơyai lơh tơn jơh broă lơh sa kàl prang nam 2015-2016, mờ lơh jăt rơndăp broă lơh sa kàl mìu tàm tiah đah jum tàm gùl lơgar mờ Tây Nguyên.

Lơh sa kàl prang pa do tàm tiah đah jum tàm gùl lơgar mờ Tây Nguyên gơbàn aniai uă ngan tài Elnino. Tàm lơh sa kàl prang, tiah đah jum tàm gùl lơgar mờ Tây Nguyên neh sih tam rơlao 292 rơbô lồ kòi sre, gơmù rơlao 20 rơbô lồ jăt mờ kàl lơh sa lài. Cồng nha mìng geh rơlao 61 tạ tàm 1 lồ, gơmù 0,1 tạ tàm 1 lồ. Kờp du\ di gơlan mìng geh di pơgăp 1 tơlăk 800 tấn, gơmù 129 rơbô tấn jăt mờ tu\ do nam lài. Tàm lơh sa kàl mìu tus, di gơlan gùt tiah đah jum tàm gùl lơgar mờ Tây Nguyên geh sih tam rơlao 168 rơbô 500 lồ. Jăt jơnau yal lài, trồ prang geh pơn jăt tai jo\ jòng, den tàng đah tam phan dà lơgar lam sồr ală càr pal tơrgùm broă lơh sa di pal mờ trồ prang kờ` rơcang lài mờ tơmù  uă ngan hoàc huơr tus mờ broă lơh sa.

        Cau cih mờ yal tơng^t Ndong Brawl