VOV4.K’ho - Tàm hìu pơrjum càr Dak Nông pa geh bơyai lơh pơrjum tơn jơh pơlòng nam 2015 mpồl pơlòng gah chài rơgơi-tàp pràn să jan mờ nhơl chờ 5 càr Tây Nguyên geh gah chài rơgơi-tàp pràn să jan càr Dak Nông dờp bơyai lơh. Jăt jơnau đơs, tàm nam 2015, ală mpồl tàm mpồl pơlòng lơh jăt niam ală broă, rơndăp broă, pơgồp bal tàm broă lơh geh cồng nha ală kơrnoăt, khà geh ai, kơnòl gơnoar atbồ càr ai tơl^k. Mơya, broă lơh gah chài rơgơi bơh ală càr Tây Nguyên gam tìp ờ uă kal ke. Ală kơrnoăt drơng tàm broă lơh chài rơgơi, tàp pràn să jan, nhơl chờ gam ờ tơl. Khà priă gam ờ uă, den tàng lơh gơrềng bal ờ niam uă ngan tus mờ broă lơh jăt ală broă lơh. Mpồl đơng lam Đảng, gơnoar atbồ tàm ờ uă càr ờ hềt mùl màl sền gròi tus mờ broă lơh chài rơgơi. Geh ờ uă rơndăp broă gah chài rơgơi k^, mơya ờ hềt geh ai khà priă lơh. Phan bơna drơng broă nhơl chờ gam ờ tơl, ờ lơh jơh bơta geh, bơta pràn neh geh lài…

        Cau cih mờ yal tơng^t Ndong Brawl