VOV4.K’ho-Ngai 16/10, tàm Hà Nội, Bộ Ngoại giao neh bơyai lơh Pơrjum tơngkah 45 nam ngai crơng gơs Ủy ban sền gàr tiah nhàr lơgar dà lơgar dê (6/10/1975 - 6/10/2020). Tus bal tàm dơ\ pơrjum geh ồng Phạm Bình Minh, Phó Thủ tướng, Bộ trưởng Ngoại giao, ală kuang bàng đơng lam, kuang đơng lam bồ Bộ Ngoại giao mờ Ủy ban Tiah nhàr lơgar dà lơgar lài do dê tàm ală rài…

Bơh 45 nam bơt bơtàu mờ dờng pràn, Ủy ban tiah nhàr lơgar dà lơgar dê neh geh uă tă pơgồp kuơ màng, tàm hơ\ pơn rơ ngan là broă đơng lam cribơyai, cribơyai gùng dà broă lơh gùng tiah nhàr lơgar tàm hơ đang ù gờl jòng rlau 5 rơbô kơi sồ mờ lơgar Lo, Lào, Campuchia mờ ală sră nggal adat boh lam dunia dê, bơsong tiah tàm dà lềng tàm rơndap rơn dồl đah he mờ ală lơgar rềp bal kung bè sền gàr gơnoar tờm bơh lơgar Việt Nam dê gơ wèt mờ 2 bồt Hoàng Sa mờ Trường Sa, gơnoar bơh gơnoar tờm, gơ noar cribơyai bơh he dê tàm dà lềng tiah đah mat tơngai lik di pal mờ Công ước Liên hợp quốc bè Adat Dà lềng nam 1982.

Đơs tàm dơ\ pơrjum, ồng Phạm Bình Minh đơs nền: Ủy ban tiah nhàr lơgar dà lơgar dê pơn jat tai lơh jat niam bơhìan mờ ală cồng nha bơh 45 nam do, pơn jat tai lam lơh geh cồng nha ală gah broă lơh bè tiah nhàr lơgar, kơnhoàl ù tiah, sền gàr kơ\ kơl jap  bơta lơngap lơngai is, gơnoar tờm, tơl làm ù tiah bơh Dà lơgar dê.

Cau mblàng K’ Hạnh