VOV4.K’ho – Drim òr 06/01, tàm càr lơgar Hà Nội, neh geh lơh Dơ\ tơngkah 70 nam Ngai Te\ khà dơ\ sơnrờp pồ Gơnoar ala mat dà lơgar Việt Nam (06/01/1946- 06/01/2016). Đơs tàm dơ\ tơngkah, ồng Nguyễn Phú Trọng kuang atbồ đơng lam Đảng dà lơgar pà gi\t: pơgăp mờ do 70 nam, ngai 06/01/1946, mìng tơnơ\ 5 nhai ai geh bơta lơngăp lơngai is, lơh jat jơnau hòi jà bơh Bác Hồ dê, mờ nùs nhơm kờn gơboh dà lơgar uă ngan mờ nùs nhơm khin cha jak chài ngan bơh Kăc màng nhai phàm dê, jơh ală làng bol Việt Nam bơh 18 sơnam rlau hơđang tàm làm gùt ù tiah tàm gùt lơgar neh duh hồl ngan tus bal dơ\ te\ khà dơ\ sơnrờp pồ geh Gơnoar ala mat dà lơgar jat bơta pal jat lơh tờm, pồ tơn mờ đùh sră ndơ\p ndơr. Sơrlèt gan 70 nam, mờ 13 tơngai lơh broă, Gơnoar ala mat dà lơgar neh sùm bơtàu tơnguh, mu\t lơh geh cồng nha ală gơnoar broă, kơnòl broă mờ broă lơh jat jơnau cih bơh Sơnoa boh lam mờ kơrnoat boh lam dê. Ală rơnàng kuang bàng Gơnoar ala mat dà lơgar sùm tơngo\ mờ lơh jat niam nùs nhơm geh kơnòl, nùs nhơm niam, bồ tơngoh jak, dipal ngan là kuang bàng ala mat ai bồ tơngoh jak mờ bơta kơ\p kờn bơh làng bol dê; uă kuang bàng neh tam lơh khin cha jak chài ngan, phi să, tă pơgồp, pơgồp bơnah dờng ngan tàm broă lơh tam lơh tơngklàs jơi bơtiàn, tơrgùm dùl dà lơgar, bơ\t bơtàu mờ sền gàr dà lơgar. Ồng Nguyễn Phú Trọng đơs tờm, mờ gơnoar broă là anih lơh broă kuang bàng ala mat jơnhoa hơđang rlau jơh bơh làng bol dê, anih lơh broă geh gơnoar jơnhoa ngan rlau jơh bơh dà lơgar dê, jơnau sồr tus mờ Gơnoar ala mat dà lơgar là kờn pal tơrgùm brồ guh ală cồng nha neh lơh geh mờ mờng chài bơh 70 nam do, pơn jat tai tam gơl pa, tơnguh jơnhoa rlau tai bơta niam mờ cồng nha broă lơh nàng lơh geh di niam ngan rlau jơh jơnau sồr, kơnòl broă gùng dră bal bơh dà lơgar dê.

Cau cih mờ yal tơngi\t- Lơ Mu K’ Yến

.