VOV4.K’ho – Ngai òr 4/1, tàm [òn dờng Cần Thơ, Ủy ban Mặt trận dà lơgar Việt Nam bơyai lơh Pơrjum dơ\ 6, kờn sền wơl tìs di cồng nha broă lơh bơh gah mặt trận dê tàm nam 2016 mờ bơyai gùng dà broă lơh, kơnòl broă mờ broă rơndăp lơh tàm nam 2017. Đơs đơng lam pơrjum, Tổng Bí thư Nguyễn Phú Trọng chờ gờm ală cồng nha mờ gah mặt trận ală kơnă neh lơh geh; ưn ngài ală rơnàng làng bol tàm jơh gùt lơgar mờ làng bol he tàm lơgar ndai neh geh nùs nhơm kờn gơboh dà lơgar, tam klac bal, lơh jat bal, dong kờl mờ lơh ngan mu\t lơh ală gùng dà broă lơh, chính sách bơh Đảng mờ Dà lơgar dê, pơgồp bơnah lơh geh ală cồng nha bal bơh dà lơgar dê. Tổng Bí thư Nguyễn Phú Trọng đơs tờm: dùl tàm ală kơnòl broă dờng, kuơmàng ngan bơh gah mặt trận dà lơgar dê tàm nam 2017 do mờ ală nam pơn jat tai là pơn jat tai bơ\t bơtàu mờ sơlơ tơnguh tai mpồl tam klac dờng gùt làng bol, bơtòm tơrgùm làm uă ală rơnàng làng bol, pal geh bơta dùl nùs bal, ring bal uă bè nùs nhơm bồ tơngoh mờ broă lơh, lơh ngan mu\t lơh geh cồng nha ală gùng dà broă lơh bơh Đảng, chính sách mờ kơrnoat boh lam dà lơgar dê, wèt tus jơnau kờn bal là gàr kơ\ bơta lơngăp lơngai is, gơnoar tờm, gàr kơ\ bơta kơ\ kơl jăp chính trị- mpồl bơtiàn, bơ\t bơtàu dà lơgar ngai sơlơ pas sơm pràn kơldang, jak chài bơtàu tơnguh; làng bol geh rài kis hờm ram lơngăp lơngai chờ hờp.

Cau cih mờ yal tơngi\t- Lơ Mu K’ Yến