VOV4.K’ho – Drim òr, 03/02, tàm hìu lơh broă Gơnoar ala mat dà lơgar, mpồl Đảng cơldu\ lơh broă Gơnoar ala mat dà lơgar bơyai lơh pơrjum yal mhar cồng nha pơrjum cau ala mat gùt lơgar dơ\ 12 bơh Đảng dê. Tàm pơrjum, ồng Nguyễn Hạnh Phúc, kuang atbồ mpồl dong broă Gơnoar ala mat dà lơgar, kuang atbồ Cơldu\ lơh broă Gơnoar ala mat dà lơgar neh yal ală bơta tờm bè cồng nha pơrjum dơ\ 12 bơh Đảng dê tus mờ ală kuang bàng, cau geh Đảng bơh mpồl Đảng cơldu\ lơh broă Gơnoar ala mat dà lơgar dê. Ồng Nguyễn Hạnh Phúc pà git: Tơnơ\ 9 ngai lơh broă jal mhar, jơh nùs, geh kơnòl, pơrjum neh lơh geh cồng nha niam, lơh jơh ală jơnau kờ` mờ broă lơh ai tơlik, ai tơnggo\ bồ tơngoh jak, nùs nhơm lơh ngan mờ bơta ringbal bơh gùt Đảng, gùt ling klàng mờ gùt làng bol. Ală cau tus bal pơrjum neh cribơyai lơh tờm, ringbal ală sră nggal kuơ màng, ai tơlik 6 kơnòl kuơ màng mờ đal git ală broă lơh tờm nàng rơndap tus bơta bơtàu tơnguh dà lơgar dê tàm tơngai pa. Ồng Nguyễn Hạnh Phúc sồr ală đah lơh broă, mpồl lơh broă di cơldu\ lơh broă Gơnoar ala mat dà lơgar mờ ală kuang bàng, cau geh Đảng tàm anih lơh broă, kơnờm tàm kơnòl he dê, mhar bơt bơtàu rơndap broă, broă lơh, nàng mhar ai kơrnuat pơrjum dơ\ 12 bơh Đảng dê mut ngui ngan ngồn tàm rài kis.

                                                         Cau cih mờ yal tơngit K’ Duẩn.